मोरङमा कोरोना संक्रमणका कारण आज तीन जना पुरुषको मृत्यु भएको छ। दुई जनाको उपचारका क्रममा विराटनगरमा रहेको नोबेल अस्पताल तथा एक जनाको उर्लाबारीस्थित होम आइसोलेसनमा मृत्यु भएको हो।

विराटनगर महानगरपालिका वडा न -६ का ८३ वर्षीय वृद्ध पुरुषको नोबेल अस्पतालमा मृत्यु भएको हो। त्यस्तै मोरङको उर्लाबारी नगरपालिका–६ का ५४ वर्षीय संक्रमित पुरुषको पनि नोबेलमै मृत्यु भएको छ। यसैगरि उर्लाबारी नगरपालिका–७ का ५८ वर्षीय कोरोना संक्रमित पुरुषको उर्लाबरैस्थित घरमै मृत्यु भएको छ।

पछिल्लो समय प्रदेश १ बिशेषगरि मोरङमा कोरोना संक्रमणका कारण मृत्यु हुनेहरुको संख्या बढी रहेको छ। विश्वको दोस्रो बढी कोरोना संक्रमण भएको देश भारतसंग नेपालको खुल्ला सिमा रहेको कारणले पनि मोरङमा संक्रमण बढेको र मृत्यु हुनेहरुको संख्या बढेको अनुमान लगाउन सकिन्छ।