बिराटनगर। मोरङमा बृहत स्काउटरहरुको भेलाले मोरङ स्काउटका पुर्व जिल्ला संगठन आयुक्त गोबिन्द कुमार गडेरिको संयोजकत्वमा संघर्ष समिति गठन गरेको छ । स्काउटमा देखिएको व्यक्तिवाद तथा राजनैतिकरणको विरोधमा संघर्ष समिति गठन गरिएको जनाइएको छ । समितिमा सदस्यहरुमा नारायण खवास ,मनिष आचार्य ,अच्युत निरौला ,कबिता राजबंशि ,कृष्ण सहनी ,बिजेश यादब ,नयन कुमार सरकार ,बिबेक तिमसिना ,प्रवलदिप बिश्वास ,प्रध्लाय राजबंशि ,रजनी सुब्बा रहेका छन् ।जिल्ला स्काउट खारेज गर्दै प्रदेशस्तरीय तदर्थ समिति गठन भएपछि असन्तुष्टी जनाउँदै स्काउटरहरुले संघर्ष समिति गठन गरेका हुन् । प्रदेशस्तरीय समितिमा , स्काउटको ज्ञान नभएकालाई समितिमा राखेको, स्काउटलाई राजनीतिक भागवण्डा गर्ने थलोका रुपमा विकास गरेको लगायतका आरोप असन्तुष्ट स्काउटरले लगाएका छन् । संघर्ष समितिले छिट्टै नै जिल्ला प्रशासन कार्यालय मोरङ र बिराटनगर महानगरपालिकामा ज्ञापनपत्र बुझाउने तयारी गरेका छन् ! समिती का सदस्य तथा स्काउटर मनिष आचार्य ले जानकारी दिनु भयो