कोशी कोभिड–१९ अस्पताल विराटनगरमा उपचारत दुई जना सङ्क्रमितको मृत्यु भएको छ ।
सुनसरी धरान–१५ घर भएका ६६ वर्षीय पुरुषको कोशी कोभिड–१९ अस्पतालमा बुधबार राति मृत्यु भएको अस्पतालका व्यवस्थापक ज्ञानबहादुर बस्नेतले जानकारी दिनुभयो ।
मृतक मधुमेह, उच्च रक्तचाप र कोल्स्ट्रोलको दीर्घ रोगी रहेको अस्पतालले जनाएको छ ।
मृतकलाई यही असोज २६ गते कोरोना पोजेटिभ देखिएकोमा श्वासप्रश्वासको समस्या भएपछी बुधबार उपचारका लागि अस्पताल मा भर्ना गरिएको थियो ।
यसैगरी विराटनगर महानगरपालिका–५ निवासी ५० वर्षीय पुरुषको आज बिहान मृत्यु भएको अस्पतालका प्रमुख व्यवस्थापक बस्नेतले जानकारी दिनुभयो । उनमा यही असोज २१ गते कोरोना पोजेटिभ देखिएकोमा श्वासप्रश्वासमा समस्या आएपछि उपचारका लागि सोही दिन केन्द्रमा भर्ना गरिएको थियो । मृतक उच्चरक्तचाप, मधुमेह र पिसाबसम्बन्धी रोगी रहेका थिए ।