सप्ताहको पहिलो दिन आइतवार रातोमय देखिएको नेप्से आज सप्ताहको दोस्रो केहि हरियो देखिएको छ । आज नेप्से २ अंक बढेर १५७८ मा बन्द भएको छ ।

बजारको शुरुवात तीव्र गतिमा उकालो लागेर १५८० गएतापनि केहि बेरमै ९ अंक घटेर १५६७ सम्म तल झरे । दिन भरि देखिएको उतार चढाव बीच बजारमा विक्रि प्रेशर बढेको देखियो ।

आज बजारमा कम्पनीको सहभागीता पनि कम देखिएको छ । १८९ कम्पनी सहभागी भएको आजको बजारमा १ अर्व ९४ करोड ९० लाख ६० हजार १ सय ९४ को टर्न अभर भएको छ भने ६८१५७१० शेयर ट्रेड देखिएको छ । आजको कारोबारमा डेभलोपमेन्ट बैंक को दबदबा कायम रहेको देखिएको छ । त्यस्तै हाइड्रो पावरमा क्षेत्रमा अस्थिरता कायम नै रहेको देखिन्छ । दशैं नजिकिदा पनि बजारमा सेलिङ्ग प्रेशर देखिएको जानकारहरुले बताएका छन् ।