यूईएफए नेशन्स लिगमा इंग्ल्याण्डले बेल्जियममाथि जित निकालेको छ । आइतबार राति भएको खेलमा इंग्ल्याण्डले बेल्जियमलाई २–१ गोलले हराएको हो ।
इंग्ल्याण्डको मैदानमा भएको खेलमा बेल्जियमले सुरुआती अग्रता बनाएको थियो । १६औं मिनेटमा रोमेलु लुकाकुले पेनाल्टीमा गोल गर्दै बेल्यिमलाई सुरुआती अग्रता दिलाएका थिए ।
खेलको ३९औं मिनेटमा इंग्ल्याण्डले पनि पेनाल्टीको मौका पाएको थियो, जसमा मार्कुस राष्फोर्डले गोल गर्दै इंग्ल्याण्डलाई बराबरीमा फर्काए ।
खेलको ६४औं मिनेटमा मासोन माउन्टले गोल गरेपछि इंग्ल्याण्डले बेल्जियममाथि २–१ गोलको पुनरागमन जित निकालेको हो ।
जितसँगै समूह ‘बी’को शीर्ष स्थानमा रहेको इंग्ल्याण्डले तीन खेलबाट ७ अंक जोडेको छ । बेल्जिमय भने ६ अंकका साथ दोस्रो स्थानमा छ ।