लिभरपुलका फरवार्ड साडियो माने कोरोना भाइरसबाट संक्रमित भएपछि शुक्रबारदेखि ‘आइसोलेसन’ मा गएका छन् । यसअघि लिरभपुलका अर्का खेलाडी थिएगो एलकान्टारको कोभिड–१९ परीक्षण पनि ‘पोजिटिभ’ आएको थियो एलकान्टार संक्रमित भएको तीन दिनपछि मानेलाई पनि भाइरसले छोएको हो । लिभरपुलले इंग्लिस प्रिमियर लिगमा आर्सनलमाथि ३–१ जित हात पारेको खेलमा मानेले सहभागिता जनाएका थिए । तर बिहीबार लिगकपमा आर्सनलसँग हार बेहोर्दा उनी टोलीमा थिएनन् । अब लिभरपुलले लिगमा एस्टन भिल्लाको सामना गर्दा पनि माने उपलब्ध हुनेछैनन् ।