अमेरिकी राष्ट्रपति डोनाल्ड ट्रम्प फर्स्ट लेडी मेलानिया ट्रम्पसँगै क्वारेन्टिनमा बसेका छन् ।
ट्रम्पका सहयोगी होम हिक्सलाई बिहिबार राती कोरोना संक्रमणको पुष्टि भएपछि ट्रम्प क्वारेन्टिनमा बसेको सीएनएनले बताएका छन् ।
चुनावी प्रचार प्रसारमा व्यस्त ट्रम्प र संक्रमण देखिएको होप टेलिभिजन डिबेटका लागि सँगै एयर फोर्स वनबाट यात्रा गरेका थिए ।
ट्रम्पले बिहिबार राती ट्वीटमा लेखे, ‘सानो छुट्टी पनि नलिइकनै होप हिक्सले निकै मिहिनेत गरेर काम गरिरहेकी थिइन् । उनलाई हालै कोरोनाको संक्रमण देखिएको छ । भयानक ! फर्ट लेडी र म आ–आफ्नो परीक्षणको नतिजा कुरिरहेका छौं । अहिलेको अवस्थामा हामी क्वारेन्टिन प्रक्रिया सुरु गर्छौं !’
Hope Hicks, who has been working so hard without even taking a small break, has just tested positive for Covid 19. Terrible! The First Lady and I are waiting for our test results. In the meantime, we will begin our quarantine process!
— Donald J. Trump (@realDonaldTrump) October 2, 2020
ट्रम्पले हिक्ससँग थुप्रै पटक यात्रा गरेका छन् । मंगलबार मात्रै ट्रम्पले हिक्ससँग क्लिभल्याण्डमा आयोजित डिबेटमा सहभागि भएका थिए ।
‘उनलाई कोरोनाको संक्रमणको देखिएको छ । मैले भर्खरै यसबारे सुनेँ । उनलाई संक्रमण देखियो । उनी निकै मिहिनेती थिइन् । उनले असाध्यै मास्क लगाउँथिन् तर उनलाई संक्रमण देखियो । त्यसपछि मैले परीक्षण गराएँ । किनभने हामीले सँगै धेरै समय बिताएका छौं । त्यसपछि फर्स्ट लेडीको पनि परीक्षण गर्यौं,’ ट्रम्पले फक्स न्यूजसँगको टेलिफोन वार्तामा भने ।
१.
२.
३.
