आजको नेप्से ७ अंक घटेर १५५३ मा बन्द भए पनि हाइड्रो पावर इन्डेक्स २ प्रतिशतले बढेको छ ।

सोमवार १५६० मा बन्द भएको नेप्से मंगलबार ७ अंकले ओरालो लागेर १५५३ मा बन्द भएको छ । १८२ करोड़को टर्नअभर भएको आजको कारोबारमा ७० करोड़को टर्नअभर मात्र हाइड्रो पावर क्षेत्रमा भएको छ । हाइड्र पवार क्षेत्रमा भएको बढोत्तरीले आजको बजार थामेको देखिन्छ ।

आज करिब १ दर्जन भन्दा बढी हाइड्रो पावर कम्पनीमा सर्किट देखिएको छ । हाइड्र पावर क्षेत्रमा भएको टर्नअभरलाई हेर्दा भोली पनि हाइड्रो पावर नै बढने संभावना देखिएको जानकारहरु बताउँछन् ।

आजको बजारमा बैकिङ्ग सेक्टरमा लगानीकर्ताले अल्पकालीन प्रोफिट बुकिङ्ग गर्दा सेलिङ्ग प्रेशर देखिएको छ । आजको कारोबार ओरालो तिर लागे पनि भित्री रुपमा बजारमा मजबुती रहेको जानकार सूत्रले हिपमत डटकमलाई जानकारी दिएका छन् ।

बजारको प्रतिष्पर्धालाई हेर्दा खरिदकर्ताहरु कम भन्दा कम मूल्यमा खरिद गर्न उत्सुक रहेको देखिन्छ । जानकारहरुका अनुसार कम अंकले घटेको नेप्से कुनै पनि दिन छलांग मार्न सक्छ ।