हिपमत डटकम
इटहरी, ,पौष २२ गते
इटहरीस्थित सोसियल रिकन्सट्रक्सन फाउन्डेसनले हाँसपोस र मुसरी टोलमा न्यानो कपडा वितरण गरेको छ ।
निःशुल्क स्वास्थ्य शिविरसहित सांस्कृतिक कार्यक्रम गरी मायाघर नेपाललाई सहयोग तथा सरसफाई कार्यक्रम गर्दै आएको फाउन्डेसनले हाँसपोसमै पुगेर वृृद्धवृद्धालाई टोपी, ओड्नेलगायतका न्यानो कपडा वितरण गरिएको फाउन्डेसनका अध्यक्ष राम निरौलाले जानकारी दिए । २५ जनालाई न्यानो कपडा वितरण गरिएको उनको भनाइ छ ।
निरौलाले आगामी दिनमा पनि यसरी नै समाजसेवामा लागि रहने बताए । इटहरीका रहेर समाजसेवामा सक्रिय निरौलाले विभिन्न सामाजिक कार्य गरिरहेका छन् । कार्यक्रममा फाउन्डेसनका उपाध्यक्ष दीपेन्द्र बजगाईं, सचिव रमेश खड्का, रिवाज आचार्य, अशोक धमला, लक्ष्मण दाहाल, सागर काफ्ले, रुविना थापा, अंजिला निरौलालगायतको न्यानो कपडा वितरण गरेका थिए ।