पुकार सुनी आमाको
उठौ युवा अब हामी
रगत बगाउन छाडौ अब
पवित्र पारौँ आमालाई
हृदय जल्छ आमाको
जब रगत बग्छ सन्तानको
आँशु बग्छ आमाको
हेर्छिन् जब भाइ-भाइ लडेको ।
आमाको त्यो मायालु आँचलमा
दाग नलगाऊ रगत बगाई
आमाको आँशु पोछ्नु पर्छ अब
आमाका सन्तान सब एक भई ।
दाजु भाइको नाता तोडी
युद्ध नगरौँ हामी कर्तव्य भुली
आमाको रक्षा गर्ने हाम्रो कर्तव्य
अगाडि बढौँ हामी यही सम्झी ।
आमा खुशी हुन्छिन् तब
हातेमालो गरी हिड्छौँ जब
आमालाई शान्ति मिल्छ तब
हाम्रो उन्नति विकास हुन्छ जब ।