सिराहा जिल्लाको गोलबजार नगरपालिका वडा नं.९ (चोहर्वा)मा रहेको मारुती सिमेन्टमा नयाँ बन्दै गरेको प्लान्टबाट खसेर एक जना मजदुरको मृत्यु भएको छ ।
मारुती सिमेन्टको नयाँ बन्दै गरेको प्लान्टको निर्माणाधीन संरचनामा काम गरिरहेका भारतको गुवाहाटीका महर अलीको खसेर मृत्यु भएको इलाका प्रहरी कार्यालय मिर्चैयाका (डिएसपी) सन्तु प्रसाद जैसवारले जनाएको छ ।
४० फिट अग्लो नयाँ प्लान्टको प्रि–हिटरबाट खसेर गम्भीर घाइते भएका अलीको कर्जन्हा नगरपालिका वडा नं.११ स्थित फुलकुमारी मेमोरियल अस्पतालमा उपचारको क्रममा मृत्यु भएको इलाका प्रहरी कार्यालय मिर्चैयाका (डिएसपी) जैसवारले जनाएको छ ।