काठमाडौं — आगामी फागुन २१ गते हुने प्रतिनिधिसभा निर्वाचनको वातावरण बनाउन वर्तमान सरकार सक्रिय बनेको छ। सोही सन्दर्भमा सरकारले प्रमुख तीन दलका शीर्ष नेतासँग सघन छलफल सुरु गरेको छ।

सरकारका प्रवक्ता एवं सञ्चार तथा सूचना प्रविधिमन्त्री जगदीश खरेलले आज नेपाली कांग्रेसका सभापति शेरबहादुर देउवासँग महाराजगञ्जस्थित निवासमा भेटवार्ता गरिरहेका छन्।

मन्त्री खरेलको सचिवालयका अनुसार उनले आजै नेपाल कम्युनिष्ट पार्टी (एमाले) अध्यक्ष केपी शर्मा ओली र नेपाली कम्युनिष्ट पार्टीका संयोजक पुष्पकमल दाहाल ‘प्रचण्ड’सँग पनि बेग्लाबेग्लै छलफल गर्ने कार्यक्रम तय भएको छ।

सरकारले निर्वाचनलाई निष्पक्ष, शान्तिपूर्ण र विश्वसनीय रूपमा सम्पन्न गर्न राजनीतिक सहमति र संवादलाई प्राथमिकता दिएको जनाएको छ।