काठमाडौं- नेपाली बजारमा आज सुनचाँदीको मूल्य बढेको छ। नेपाल सुनचाँदी व्यवसायी महासंघका अनुसार सुन प्रतितोला १ हजार रुपैयाँले बढेर २ लाख ५३ हजार १ सय रुपैयाँ पुगेको छ। हिजो सुनको मूल्य २ लाख ५२ हजार १ सय रुपैयाँ रहेको थियो।

सुनको भाउको उच्च रेकर्ड असोज ३१ गते कायम भएको थियो, जस दिन सुनको मूल्य २ लाख ५८ हजार रुपैयाँ पुगेको थियो।

चाँदीले भने केही दिनयता लगातार नयाँ रेकर्ड बनाउँदै आएको छ। आज चाँदीको मूल्य प्रतितोला ३ हजार ८०५ रुपैयाँ पुगेको छ, जुन अहिलेसम्मकै उच्च हो। अघिल्लो दिनको तुलनामा चाँदी ५५ रुपैयाँले बढेको छ।