पथरी शनिश्चरे । निजी तथा आवासीय विद्यालय अर्गनाइजेसन नेपाल (प्याब्सन) द्वारा आयोजित मोरङ जिल्ला स्तरीय लोकनृत्य प्रतियोगितामा पथरी शनिश्चरे नगरपालिकाका विद्यालयहरुले ऐतिहासिक सफलता हासिल गर्दै कीर्तिमान राखेका छन् ।

हिजो (मंसिर १३ गते) आरोहण गुरुकुल विराटनगरमा सम्पन्न जिल्ला स्तरीय प्याब्सन लोक नृत्य प्रतियोगिता – २०८२ मा पथरी शनिश्चरेका विद्यालयहरूले उल्लेखनीय सफलता हासिल गरेका हुन ।

प्रतियोगितामा पथरी शनिश्चरेका विद्यालयहरुले सिनियर (कक्षा ८ देखि १२) तर्फ प्रथम , द्वितीय र तृतीय तिनवटै स्थान कब्जा गरे भने जुनियर (कक्षा १ देखि ८ ) तर्फ प्रथम स्थान कब्जा गर्दै उल्लेखनीय उपलब्धि हासिल गरे ।

जुनियर तर्फ पथरी शनिश्चरेको श्री एभरेष्ट से. स्कूल प्रथम भयो भने श्री आदर्श से. स्कूल बेलबारी द्वितीय, श्री हरैचा मोडल सुन्दरहरैचा तृतीय, श्री लिटलबुद्ध डाँगीहाट बेलबारी र श्री कान्तिपुर से. स्कूल विराटनगर सान्त्वना भएका छन् ।

यसैगरी सिनियर तर्फ श्री मोरङ मेरीगोल्ड पथरी शनिश्चरे प्रथम, श्री एभरेष्ट पथरी द्वितीय, श्री रेडस्टार पथरी तृतीय भए भने श्री माउण्ट एभरेष्ट बेलबारी , श्री मोडर्न एरा से. स्कूल विराटनगर र श्री सिद्धार्थ से. स्कूल सुन्दरहरैचा सान्त्वना भए ।

यसरी सिनियर तर्फ प्रथम, द्वितीय र तृतीय स्थान तथा जुनियर तर्फ प्रथम स्थान हासिल गर्ने यो ऐतिहासिक सफलता प्राप्त गर्ने सम्पूर्ण पथरी शनिश्चरेका विजेता विद्यालयहरूलाई नगर प्याब्सन पथरी शनिश्चरेले बधाई एवम् शुभकामना व्यक्त गरेको छ ।