काठमाडौँ । ऊर्जा तथा सहरी विकास मन्त्री कुलमान घिसिङले सरकारले घोषणा गरेको मितिमा नै निर्वाचन हुने पुष्टि गरेका छन्।

सोमबार राष्ट्रियसभाको सार्वजनिक नीति तथा प्रत्यायोजित विधायन समितिको बैठकमा उनले भने कि सरकारले निर्वाचनको तयारीमा राजनीतिक दलहरूसँग सक्रिय छलफल गरिरहेको छ।

मन्त्री घिसिङले थपे, “निर्वाचन समयमा नै हुनेछ। सरकार निर्वाचन केन्द्रित काममा व्यस्त छ र सबै राजनीतिक दलका लागि निर्वाचनमा भाग लिनु विकल्प नभएको कुरा स्पष्ट छ।”

उनले वर्तमानमा राजनीतिक दलहरू निर्वाचन आयोगमा दर्ता भइरहेको जानकारी पनि दिएका छन्।