सङ्घीय सरकारले सांसदहरूको स्वकीय सचिवको सुविधा कटौती गर्ने निर्णय गरेपछि बागमती प्रदेशका सांसदका स्वकीय सचिवहरूको तलब भत्ता रोकिएको छ।

प्रदेश सरकारले यसबारे कुनै निर्णय नगरेकाले सचिवालयले तलब निकासा गर्न नसकेको बागमती प्रदेशसभा सचिव रामकुमार पौडेलले बताए। संघीय निर्णय बाध्यकारी नभए पनि प्रदेश सरकारको निर्णयपछि मात्र भुक्तानी प्रक्रिया अघि बढ्ने उनले स्पष्ट पारे। यसअघि सचिवहरूले भदौ महिनासम्मको तलब भत्ता प्राप्त गरिसकेका छन्।