काठमाडौँ । नेपाल सरकारले सूचीकरण नभएका सामाजिक सञ्जाल प्लेटफर्महरू बन्द गर्ने निर्णय गरेसँगै नेपाल टेलिकमको ग्राहक सेवा प्रणालीमा परिवर्तन आएको छ।

यसअघि कम्पनीले फेसबुक जस्ता सामाजिक सञ्जालमार्फत ग्राहकका जिज्ञासा र गुनासोहरू सुन्दै आएको थियो। तर, ती प्लेटफर्महरू निष्क्रिय भएपछि टेलिकमले सेवा प्रवाहका लागि नयाँ विकल्पको रूपमा ‘Nepal Telecom Customer Care’ नामक भाइबर कम्युनिटी सञ्चालनमा ल्याएको छ।

अब ग्राहकहरूले आफ्ना जिज्ञासा, गुनासो वा सुझावहरू ९७६५०११०८८ नम्बरमा उपलब्ध भाइबर कम्युनिटीमार्फत राख्न सक्ने टेलिकमले जनाएको छ। कम्पनीले डिजिटल माध्यमबाट प्रभावकारी सेवा दिन नयाँ उपायहरू अवलम्बन गरिरहेको पनि स्पष्ट पारेको छ।