संखुवासभा।संखुवासभाको पाँचखपन नगरपालिका–४ का ४३ वर्षीय रामबहादुर श्रेष्ठलाई लोड गरिएको भरुवा बन्दुकसहित प्रहरीले पक्राउ गरेको छ।

विशेष सूचनाको आधारमा इलाका प्रहरी कार्यालय वानाबाट खटिएको प्रहरी टोलीले भदौ १७ गते राति श्रेष्ठको घरमा खानतलासी गर्दा ओछ्यानमुनी लुकाइराखिएको अवस्थामा बन्दुक बरामद गरेको हो।

अवैध भरुवा बन्दुकसहित पक्राउ परेका श्रेष्ठलाई आवश्यक अनुसन्धानका लागि नियन्त्रणमा राखिएको प्रहरीले जनाएको छ।