१८ भदौ, काठमाडौं । नेपाल सरकारले फेसबुक, इन्स्टाग्राम, युट्युब, टिकटकलगायतका सामाजिक सञ्जाललाई नेपालमा दर्ता अनिवार्य गरेको म्याद आज (बुधबार) सकिँदैछ ।

सरकारले सामाजिक सञ्जाल सञ्चालन गर्न कानूनी रूपमा दर्ता अनिवार्य गराए पनि अहिलेसम्म ठूला कम्पनीहरूले प्रक्रिया पूरा गरेका छैनन् । सूचना तथा सञ्चार प्रविधि मन्त्रालयले तोकिएको समयभित्र दर्ता नगरेमा भोलिदेखि (बिहिबार) नेपालभित्र यी एप्स बन्द गर्न सकिने चेतावनी दिएको छ ।

मन्त्रालयका अनुसार दर्ता प्रक्रियाबाट सामाजिक सञ्जाललाई कर प्रणाली, कानूनी जिम्मेवारी तथा नियमनको दायरामा ल्याउने उद्देश्य राखिएको छ ।