काठमाडौं — रूपन्देही–३ मा कार्तिक १७ गते हुने उपनिर्वाचनका लागि राष्ट्रिय स्वतन्त्र पार्टी (रास्वपा)ले उम्मेदवार चयन प्रक्रियाको अन्तिम दिन आज ९ जना आकांक्षीले पार्टी सभापति रवि लामिछानेलाई नक्खु कारागारमै भेटेका छन्।

रास्वपाका अध्यक्ष लामिछाने हाल कारागारमा रहेका बेला आकांक्षीहरूले व्यक्तिगत रुपमा उपस्थित भएर आफ्नो दाबी प्रस्तुत गरेका हुन्। उम्मेदवार टुंग्याउने निर्णय आजै हुने बताइएको छ।

रूपन्देही–३ बाट रास्वपाको उम्मेदवारीका लागि नाम अगाडि सारिएका आकांक्षीहरूमा कुसुम महर्जन, मधु अर्याल, सुलभ खरेल, पार्थिवेन्द्र उपाध्याय, डा. लेखजंग थापा, ज्ञानु पौडेल, जीतबहादुर गुप्ता, रचना क्षेत्री र पुनम कुमारी अग्रवाल छन्।

रास्वपाले आजै तीमध्ये एकजनालाई आधिकारिक उम्मेदवारका रूपमा घोषणा गर्ने तयारी गरेको छ।