हिपमत डटकम
काठमाडौं — दक्षिण एसियाली फुटबल महासङ्घ (साफ) १७ वर्षमुनिका महिलाको च्याम्पियनसिप अन्तर्गत नेपाल र भारतबीच आज प्रतिस्पर्धा हुँदैछ।
अखिल नेपाल फुटबल संघ (एन्फा) का अनुसार खेल नेपाली समयअनुसार आज साँझ ६ः०० बजे सुरु हुनेछ।
डबल राउन्ड रोबिन लिग प्रारूपमा जारी प्रतियोगितामा भारत हालसम्म १२ अंकसहित शीर्ष स्थानमा छ, भने नेपाल ३ अंकसहित तेस्रो स्थानमा छ। भुटान अंकविहीन रहँदै चौथो स्थानमा रहेको छ।
यसअघि नेपालले घरेलु मैदानमा अहिलेसम्म राम्रो प्रदर्शन गर्न सकेको छैन। बाँकी खेल तालिकाअनुसार, नेपालले आगामी भदौ १५ गते भुटानसँग प्रतिस्पर्धा गर्नेछ।
नौ अंकसहित बंगलादेश दोस्रो स्थानमा छ। प्रतियोगितामा भारत, नेपाल, बंगलादेश र भुटान गरी जम्मा चार देश सहभागी छन्।
नेपाल उपाधि दौडबाट बाहिरिइसकेको छ।
१.
२.
३.
