बीरेन्द्रकुमार साह

बिहिबार, भाद्र १२, २०८२ || 10116  पटक पढिएको

विराटनगर । ऐतिहासिक नगरी विराटनगरमा आउँदो दशैंको शुभ अवसर पारेर पाँचौं संस्करणको विराट सडक महोत्सव–२०८२ आयोजना हुने भएको छ।

विराटनगरको मुटु मानिने हिमालयन रोडमा आयोजना हुने महोत्सवले यसपटक पनि शहरलाई चाडपर्वको रौनकले रंगिन बनाउने आयोजक मञ्जना मुभिज क्रिएसनले जनाएको छ। महोत्सवमा विभिन्न जातजातिको परिकार तथा फरक–फरक स्वादका खानाका स्टलसहित करिब २५ स्टल रहनेछन्।

साथै दैनिक सांगीतिक कार्यक्रम, सांस्कृतिक प्रस्तुति र मनोरञ्जनात्मक गतिविधि रहने आयोजकले जनाएको छ। सड़क महोत्सवमार्फत स्थानीय व्यवसायलाई प्रोत्साहन गर्नुका साथै विराटनगर भित्रिने पर्यटकलाई आकर्षित गर्ने विश्वास लिइएको छ। “हजारौं दर्शक–श्रोतालाई लक्षित गरी महोत्सवलाई १०० प्रतिशत सफल बनाउने तयारी भएको छ,” आयोजकले विज्ञप्तिमार्फत जनाएको छ।

महोत्सव हेर्नका लागि प्रवेश निःशुल्क हुने र हिमालयन रोडमा रहेका व्यापारी व्यवसायीलाई आफ्नो उत्पादन तथा सेवा प्रदर्शन गर्ने अवसर प्रदान गरिने आयोजकले जानकारी दिएको छ।

 

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया
error: कृपया कपि नगर्नु होला !!