मौसम पूर्वानुमान महाशाखाले आजको मौसम पूर्वानुमान जारी गरेको छ । बिहीबार मौसम पूर्वानुमान जारी गर्दै महाशाखाले हाल नेपालमा पश्चिमी वायूको आंशिक प्रभाव रहेको जनाएको छ ।

यसैगरी, हाल देशको पश्चिमि भू–भागमा आंशिक बदली रहेको छ र बाँकी भू–भागमा मौसम सामान्यतया सफा रहेको महाशाखाले जारी गरेको पूर्वानुमानमा उल्लेख छ ।

महाशाखाले बिहीबार दिउँसो देशको पश्चिमि क्षेत्रलगायत मध्य र पूर्वी पहाडी भेगमा आंशिकदेखि सामान्य बदली रही बाँकी भू–भागमा सामान्यतया सफा र आंशिक बदली हुने पूर्वानुमान गरेको छ ।

यसैगरी, पहाडी क्षेत्रका एक/दुई स्थानहरुमा मेघ गर्जन, चट्याङ्गसहित वर्षाको सम्भावना रहेको पूर्वानुमानमा उल्लेख छ ।

पूर्वानुमानका अनुसार बिहीबार राति देशको पश्चिमि भू–भागमा आंशिक देखि सामान्य बदली रही बाँकी भू–भागमा आंशिक बदलि हुने देखिन्छ।

भने, पश्चिमि भू–भागका थोरै स्थानहरुमा र पूर्वका एक/दुई स्थानहरुमा मेघ गर्जन, चट्याङ्गसहित क्षणिक वर्षाको सम्भावना रहेको छ ।