मोरङ। सुनवर्षी नगरपालिका वडा नं ४, गोल गाउँस्थित श्री जानकी आधारभूत विद्यालयमा ६०औं राष्ट्रिय बालदिवस  मनाइएको छ। यस अवसरमा वडा नं ४ का वडा अध्यक्ष छेदिया यादव प्रमुख अतिथिको रूपमा उपस्थित थिए।

बालदिवसको कार्यक्रमको क्रममा २०८० सालको अन्तिम परीक्षा उत्तीर्ण गर्ने उत्कृष्ट विद्यार्थीहरूलाई सम्मानित गरियो। प्रथम, द्वितीय, र तृतीय स्थान प्राप्त गर्ने विद्यार्थीहरूलाई क्रमशः गोल्ड, सिल्भर, र ब्रन्ज मेडलसहित प्रमाणपत्र वितरण गरिएको थियो, जसले विद्यार्थीहरूमा थप प्रोत्साहनको भावना उत्पन्न गरेको छ।

कार्यक्रमका दौरान, विद्यार्थीहरूले मनोरञ्जनात्मक खेलहरूमा सहभागिता जनाए, जसमा हन्डीफोर र स्पुन रेस प्रमुख थिए। साथै, विद्यार्थीहरूले आकर्षक सांस्कृतिक नृत्य र गायन प्रस्तुत गरेर कार्यक्रमलाई थप रमाइलो बनाएका थिए।

शिक्षकहरूको योगदानको कदरस्वरूप मायाको चिनो पनि प्रदान गरिएको थियो।