कोरोना भाइरसबाट बेलायतमा आज एक पूर्वगोरखा सैनिकको मृत्यु भएको छ । सङ्खुवासभा खाँदबारी नगरपालिका–१० स्थायी घर भई हाल लन्डन साउथ ह्यारोमा बस्दै आएका ६६ वर्षीय लीलाबहादुर राईको लन्डनस्थित नर्थविक पार्क अस्पतालमा निधन भएको पारिवारिक स्रोतले बताएको छ । स्रोतका अनुसार राई केही दिनअघि मात्र अस्पतालबाट घर आएका थिए । उपचारपछि फर्किएका राईको स्वास्थ्यमा अचानक समस्या देखिएपछि उनलाई फेरि अस्पताल लगिएकामा चिकित्सकले मृत घोषणा गरेका थिए । उनी कोरोनाका कारण मृत्यु हुने पहिलो नेपाली हुन् ।