खबर ठुलो छ

बाँकी विश्व कोरोना भाइरससँग जुधिरहेका बेला उत्तर कोरियाले समुन्द्रमा ब्यालेस्टिक मिसाइल प्रहार गरेको छ ।

सी अफ जापानमा यसअघि ‘पहिचान हुन नसकेको बिस्फोट’ अन्ततः छोटो–दूरीको ब्यालेस्टिक मिसाइल रहेको जापानी जलसेनाले जनाएको छ ।

उत्तर कोरियाली राष्ट्रपति किम जोङ उनले आफ्नो देश कोरोनामुक्त छ भनेर घोषणा गरेको केही दिनमै बिस्फोट भएको हो, बेलायती सञ्चारमाध्यम द सनले लेखेको छ । उत्तर कोरियाले यस महिना तेस्रोपटक मिसाइल परीक्षण गरेको हो ।

यो मिसाइल जापानको इकोनोमिक जोन वाटर्सबाट बाहिर खसेको जापानी जलसेनाले जनाएको छ ।

कोरोना भाइरससँग जापान, दक्षिण कोरिया र चीन जुधिरहेका बेला उत्तरले यसको फाइदा लिन खोजेको विश्लेषकहरुले बताएका छन् ।

दक्षिण कोरियाली अधिकारीहरुले पनि समून्द्रमा ‘नाम नखुलेको वस्तु’ उड्दै गरेको अवस्थामा देखिएको जनाएका छन् ।

यसअघि उत्तरले मार्च २ र ९ मा पनि मिसाइल परीक्षण गरेको छ ।

डोनाल्ड ट्रम्पसँगको दोस्रो शिखर सम्मेलन निष्कर्षविहिन भएपछि उत्तर कोरियाले अन्तर्राष्ट्रिय सन्धी र प्रतिबन्ध विपरीत मिसाइल परीक्षण र प्रदर्शन गर्दै आएको छ ।

यसअघि किमल बेलायतसहितका पश्चिमा शक्तिले उत्तर कोरियाका गतिविधिबारे छलफल गर्न उच्च स्तरको संयुक्त राष्ट्रसंघीय बैठक बोलाउनुपर्ने माग गरेका थिए, जसलाई किमले ‘गलत र तर्कहीन सोच’ भने ।

उत्तर कोरियामा कोरोना भाइरस
उत्तर कोरियामा कोरोना भाइरसका कारण सयौं सैनिकले ज्यान गुमाइसकेको बेलायती सञ्चारमाध्यम द सनले जनाएको छ । उत्तर कोरियाली अधिकारीहरुले भर्खरै क्वारेन्टाइनमा रहेका एक बिरामीको हत्या गरेको समाचारमा उल्लेख छ । यी बिरामीमा कुनै लक्षण देखिएको थिएन र उनी भागेर सार्वजनिक स्थलमा नुहाउन पुगेका थिए । मध्य फेब्रअरीमा सडकमा उनलाई पक्राउ गरेर गोली हानिएको थियो ।

किम जोङ उनले कोरोनाविरुद्ध लड्न ‘लकडाउन’ लागु गर्नेगरी सैनिक कानून प्रयोग गरेका छन्, यद्यपी अहिलेसम्म उत्तर कोरियामा कोरोना संक्रमणको पुष्टि भएको छैन ।

दक्षिण कोरियाका राष्ट्रपति मुन जाय इनलाई केही साताअघि पत्र लेखेर उनले छिमेकामा महामारीको घटना हुँदा पनि एकता देखिन नसक्नु दुखद् रहेको बताएका थिए ।

अमेरिकाले यसै साता कोरोनाविरुद्ध लड्न सहयोग गर्ने प्रस्ताव गरेको थियो, जसलाई उत्तरले अस्वीकार गरेको थियो ।
एजेन्सी

शनिबार, चैत्र ०८, २०७६मा प्रकाशित गरिएको
प्रतिक्रिया दिनुहोस
जनमत

आउदो निर्वाचनमा तपाईको मत कुन पार्टीलाई ?

View Results

Loading ... Loading ...
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया