धनुषा, १६ माघ । सिरहा मिर्चैया नगरपालिका-११ सितापुर बस्ने विपिन कुमार साहको घर अगाडि पार्किङ गरी राखेको स.४ प ८९७० नम्बरको मोटरसाइकल चोरी गरेको अभियोगमा धनुषा मिथिला नगरपालिका-२ बस्ने १७ वर्षीय किशोरलाई आइतबार राति प्रहरीले पक्राउ गरेको छ ।

ईलाका प्रहरी कार्यालय ढल्केबरबाट खटिएको प्रहरीले ती किशरलाई मिथिला नगरपालिका-५ श्रीपुरबाट उक्त चोरी भएको मोटरसाइकल सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।