हिपमत डटकम

मंगलबार, पौष २६, २०७९ || 17213  पटक पढिएको

काठमाडौं : युवा गायक रोनित खालिङ राईको स्वरमा समावेश ‘दृष्टि’ बोलको म्युजिक भिडियो सार्वजनिक भएको छ। पप शैलीको यस गीतलाई गायक राई, पेम्बा र आकाशले मिलेर लेखेका हुन्। गीतलाई पेम्बा र आकाशले संगीत संयोजन गरेका हुन्।

‘यदि केहि गर्न लायक काम छ भने, आफ्नो सम्पूर्ण हृदयले गर्नुहोस्’ भन्ने भनाईलाई आधार मानेर तयार पारिएको भिडियोको कथामा एउटा युवाले अनाथालयलाई सहयोग गर्नको लागि गरेको प्रयास र यात्रालाई सुन्दर तरिकाले प्रस्तुत गरिएको छ। ग्रे म्याटर फिल्म्सको प्रस्तुति रहेको यस भिडियोमा स्वयम गायक रोनित खालिङ राई र तेन्जिन डोल्मा बज्राचार्य फिचर्ड छन्।

विकास रंजितकारको छायाँकन र सम्पादन रहेको यस भिडियोलाई दिवेज शाहको निर्देशनमा तयार पारिएको हो। भिडियो गायक राईको युट्युव च्यानल ‘रोनित खालिङ राई अफिसिएल’ मार्फत सार्वजनिक भएको हो। यसअघि गायक राईको स्वरमा ‘सम्बन्ध’, ‘प्रतिबिम्ब’ लगायत गीतहरु सार्वजनिक भैसकेका छन्। निर्माण टिमले नयाँ म्युजिक भिडियोलाई हेरेर प्रतिक्रिया दिन सबैलाई आग्रह गरेका छन्।

प्रतिक्रिया दिनुहोस
ताजा
सम्पर्क

हिपमत मिडिया हाउस प्रा.लि.
बिराटनगर-७ मोरड प्रदेश नम्बर -१
सूचना विभाग दर्ता नं.
१५१५/०७६/०७७

हाम्रो बारे

हिपमत मिडिया हाउस प्रा.लि. द्वारा संचालित  अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

टेलिफोन

कार्यालय – ०२१-५१७६७८
विज्ञापन – ९८०७३७०१०६
ई–मेल
[email protected]

सोसल मिडिया
error: कृपया कपि नगर्नु होला !!