काठमाडौ । सार्वजनिक स्थलबाट नक्कली सुकुम्वासीलाई हटाउनुपर्ने भन्दै आज काठमाडौंमा प्रदर्शन भएको छ ।
सुकुम्वासी भन्दै सार्वजनिक जग्गा अतिक्रमण भइरहेकाले नक्कली सुकुम्वासीलाई हटाउनुपर्ने माग सहित उपत्यकावासी व्यवस्थापन तथा सहयोग संघर्ष समितिले काठमाडौं महानगरपालिका अगाडी धर्ना दिएको हो । सुकुम्वासीको नाममा भइरहेको राजनीतिको अन्त्य गरी सुकुम्वासीको नाममा भइरहेको दादागिरीको अन्त्य हुनुपर्ने प्रदर्शनकारीको भनाइ छ ।
समितिले सही सुकुम्वासीको पहिचान गरी व्यवस्थापन गर्न काठमाडौं महानगरपालिकासँग ऐक्यवद्धता जनाएको हो ।
सुकुम्वासीको खोल आढेर र राजनीतिक दलहरुको छत्रछायाँमा हतियार बोकेर हिँड्न नमिल्ने भन्दै महानगरले गरेको काम सही भएको समितिको भनाइ छ ।