प्रशान्त क्षेत्रमा अवस्थित मार्शल टापुमा एक चिनियाँ दम्पतीले एउटा सानो राज्य बनाउने षड्यन्त्रबारे अहिले निकै चर्चा भइरहेको छ । ठगी सम्बन्धी मुद्दामा संलग्न अमेरिकी वकिलहरूले उनीहरूले सांसद र अधिकारीहरूलाई आफ्नो काम गराउन घुस दिएको बताएका छन् ।

मार्शल आइल्याण्ड्स हवाई र अष्ट्रेलिया बीचको टापुहरूको एउटा श्रृंखला हो । पहिले यो अमेरिकाको अधीनमा थियो तर सन् १९७९ पछि यसले स्वतन्त्रता पायो । यद्यपि, यो प्रशान्त क्षेत्रमा अमेरिकाको रणनीतिक आधार रहिरह्यो । यहाँ अमेरिकाले आफ्नो सुरक्षा गठबन्धनलाई निरन्तरता दिइरहेको छ तर चीनले यहाँ आफ्नो प्रभाव बढाउने प्रयास गरिरहेको छ ।

यी दुई दम्पती​ले मार्शल आइल्याण्डको एक सुदुर द्वीपमा अर्ध–स्वायत्त क्षेत्र स्थापना गर्नका लागि त्यहाँका सांसदमाथि दबाब दिने कोसिस गरे । यसरी प्रशान्त क्षेत्रमा अवस्थित यस देशमा विदेशीको पहुँचको आशंका उत्पन्न भएको छ ।