विश्व नम्बर १ खेलाडी इगा स्वान्तेकले पाँचौँ वरीयताकी टुनिसियाली खेलाडी ओन्स जाबेउरलाई पराजित गर्दै यूएस ओपनको उपाधि जितेकी छन् । सन् २०२२ मा उनको यो दोस्रो उपाधि हो ।

२१ वर्षीया पोलिस खेलाडीले ६–२, ७–६ (५–५) को जीत हासिल गर्दै उपाधिमाथि कब्जा जमाउन सफल भइन् । एकतर्फी पहिलो सेटपछि २८ वर्षीया जाबेउरले दोस्रो सेटमा पुनरागमनको प्रयास गरे पनि त्यो पर्याप्त हुन सकेन ।

हार्ड कोर्टमा स्वान्तेकको यो पहिलो उपाधि हो । यसअघिका दुवै उपाधि उनले फ्रेन्च ओपनको क्ले कोर्टमा जितेकी थिइन् । उता गत जुलाईमा विम्बल्डनको फाइनलमा पराजित जाबेउरको उपाधिको प्रतीक्षा भने अझै लम्बिने भएको छ ।