कलैया उपमहानगरपालिका-२३ कोईरीया टोलस्थित सडकमा ना.२४ प १३९४ नम्बरको मोटरसाइकल आफै अनियन्त्रित भई आइतबार राति दुर्घटना हुँदा मोटरसाइकलमा सवार सोही उपमहानगरपालिका-२६ सिसवा महेशपुर बस्ने ३२ वर्षीया हजरा खातुनको मृत्यु भएको छ ।
दुर्घटनामा गम्भीर घाइते भएकी उनको कलैया प्रादेशिक अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।