एजेन्सी । बिहारमा भारतीय जनता पार्टी (भाजपा) को साथ छाडेर महागठबन्धनमा सामेल भएका मुख्यमन्त्री नितीश कुमारलाई मणिपुरमा झड्का लागेको छ ।
मणिपुरमा जेडीयूका ५ विधायक पार्टी परित्याग गरी भाजपामा प्रवेश गरेका छन् । त्यहाँ जेडीयूका ६ विधायक थिए ।
जेडीयूले पार्टी प्रवेशलाई असंवैधानिक भनेको छ भने भाजपाले स्वागत गरेको छ । मणिपुर विधानसभाका सचिव मेघजीत सिंहले ५ विधायकले भाजपा प्रवेश गरेको स्वीकारेको जानकारी दिए । यसै वर्ष भएको विधानसभा चुनावमा ३८ मध्ये ६ सिट जेडीयूले जितेको थियो ।
भाजपा प्रवेश गर्ने विधायकमा केएच जयकिशन, एन सनाते, मोहम्मद अछबउद्दीन, एएम खाउटे र अरुण कुमा रहेका छन्। यस सँगै भारतका पूर्वाेत्तर राज्यमा जेडीयू कमजोर हुँदै गएको देखिएको छ । यसअघि अरुणाञ्चलमा जेडीयूका एक्ला विधायक भाजपामा प्रवेश गरेका थिए ।