बिराटनगर। राजबिराजका सञ्चारकर्मी तथा मैथिली भाषी गायक आदित्य अजय यस वर्षको उत्कृष्ट मैथिली गायकको अवार्डबाट सम्मानित भएका छन् ।

काठमाडांैं स्थित एभरेष्ट होटलमा आयोजित ५ औं संस्करणको राष्ट्रिय समावेशी म्यूजिक(निम)अवार्ड २०७८ बाट उनलाई सम्मान गरिएको हो ।
अजयले मैथिली सांगीतिक क्षेत्रमा आफ्नो गीतहरु दिरहेका छन् साथै अभिनयको माध्यमबाट पनि दर्शकहरुको मन जितिरहेका छन्। आयोजक संस्थाले उनको कामको मुल्यांकन गर्दै उनलाई सम्मान गरिएको जनाइएको छ ।

बिगत चार बर्ष देखि सञ्चारक्षेत्रमा लागेका बहुप्रतिभाशाली अजय पत्रकारिता गर्नुका साथै मैथिली म्युजिक इण्डस्ट्रिमा पनि एउटा उदयमान गायकको रुपमा आफुलाई स्थापित गरेका छन् ।

हिन्दु धर्म उनले माने पनि ,उनले मुस्लिम धर्मावलम्बीहरुको महान पर्व रमजानुल मुबारक पर्व लाई लक्षित गरि बनाइएको रमजान बोलको गितले उनलाई यो अवार्ड दिलाएको हो।