हिपमत डटकम
रुस–युक्रनबीच युद्ध भएको आज १६ दिन भएको छ । रुसको सेना किभको थप नजिक पुुगेको छ । उता संयुुक्त राष्ट्र संघ सुुरक्षा परिषदमा शुक्रबार रुसको उक्त दावीमाथि छलफल हुनेछ, जसमा रुसले युक्रेनको भूमिमा अमेरिकी सेनाको जैविक गतिविधि देखिएको दावी गरेको थियो ।
अर्कातिर रुसले प्रत्येक दिन बिहान १० बजे आफ्नो तर्फबाट मानवीय बाटो बनाउने कुरा गरेको थियो । युद्धमा फसेका नागरिकलाई निकाल्न सकियोस् वा उनीहरुलाई मानवीय सहायता पुु¥याउन सकियोस् भनेर मानवीय बाटो बनाउने कुरा गरेको हो ।
यसैबीच संयुक्त राष्ट्रसंघले यो समय युद्ध प्रभावितलाई समर्थन गर्ने र उनीहरुप्रति आत्मियता देखाउने समय भएको बताएको छ । यसैगरी युक्रेनका शिक्षा मन्त्रीले रुसले आफ्नो देशमा २८० स्कुल कलेज ध्वस्त पारेको दावी गरेका छन् । यसबारे रुसका विदेशमन्त्री सर्गेइ लाभारोभले एक भनाइ सार्वजनिक गरेका छन् । युक्रेन र टर्कीका विदेश मन्त्रीसँगको बैठकपछि लाभारोभले युद्धको अन्त्यबारे कुरा गर्न तयार रहेको उनले बताए । उनले रुसले कहिल्यै युद्ध नचाहेको पनि जिकिर गरे ।
उनले रुसका राष्ट्रपति भ्लादिमिर पुटिन र युक्रेनका राष्ट्रपति भ्लादिमिर जेलेन्स्कीबीच बैठक हुन सक्ने पनि बताए । परमाणु युद्ध सुरु हुने आफूलाई नलागेको समेत उनको भनाइ छ ।
किभको थप नजिक पुुग्यो रुसी सेना
रुसले युक्रेनको चार ठूला शहरलाई घेरिसकेको छ र उसको सेना राजधानी किभ नजिक पुगिसकेको छ । रुसी हमलाको बावजुद पूर्वमा खार्किभ अझै युक्रेनकै नियन्त्रणमा रहेको छ । तर मानवीय करिडोरको माध्यमबाट त्यहाँबाट हजारौँ मानिस सुरक्षित रुपमा निक्लन सफल भएका छन् ।
किभमाथि रुसले आफ्नो दृष्टि लगाइरहेको छ र शहरको सीमामा चारैतर्फबाट रुसी सैनिकले घेरा हालेको समाचारमा जनाइएको छ । विगत २ दिनमा युक्रेनको सुुमी र किभबाट ८० हजार मानिस बाहिरिसकेका छन् ।
अमेरिकाले आफ्नो सेना युक्रेनमा नपठाउने
यता रुसको विरुद्धमा युद्ध लड्नका लागि सेना युक्रेन पठाउने कुनै योजना नभएको अमेरिकाले जनाएको छ । ह्वाइट हाउसकी प्रेस सचिव जेन साकीले आफूहरु विश्व युद्ध हुनबाट रोक्न लागिपरेको बताए । उता अमेरिकी राष्ट्रपति जो बाइडेनले टर्कीका राष्ट्रपति तैयप एर्दोगानसँग रुस–युक्रेन युुद्धको विषयलाई लिएर कुराकानी भएको बताएका छन् ।
१.
२.
३.
