एजेन्स। अस्ट्रेलियाको संसदमा महिला कर्मचारीमाथि यौन उत्पीडन व्यापक रूपमा हुने गरेको पाइएको छ ।
त्यस देशको मानवअधिकार आयोगले दिएको प्रतिवेदनअनुसार, लगभग ६३ जना महिला सांसदलाई संसद् भित्रै यौन शोषण गरिएको छ ।
कुल १७ सय २३ जनाले संसद्का ३३ प्रतिशत कर्मचारी कम्तीमा एकपटक यौन उत्पीडनको शिकार बनेको बताए । अनि ५१ प्रतिशतमाथि बलात्कारको कोशिश गरेको बताइएको छ ।
सरकारकी एक पूर्व सल्लाहकारले संसद् भवनभित्र बलात्कारको शिकार बन्नुपरेको आरोप लगाएपछि स्कट मोरिसन सरकारले मानवअधिकार आयोगबाट त्यसको अनुसन्धान गराएको थियो ।
प्रतिवेदनमा आश्चर्यजनक तथ्यहरू खुलेका छन् । सोधपुछका क्रममा एक पुरुष सांसदले महिलालाई चुम्बन गर्न, उसलाई उठाउन, छुन, टिप्पणी गर्नु गलत नभएको बताए ।
यस किसिमका घटनाले महिलाहरूलाई नराम्रो असर पर्ने प्रतिवेदनमा उल्लेख गरिएको छ । संसद्को काम त्यसबाट प्रभावित हुन्छ ।
प्रधानमन्त्री मोरिसनले यस प्रतिवेदनलाई भयावह संज्ञा दिएका छन् ।
पुरुषहरू संसद्को कोरिडोरमा घुम्ने गरेको र महिलाहरूलाई तलमाथि गइरहेको बेलामा घुरेर हेर्ने गरेको प्रतिवेदनमा उल्लेख छ । पुरुष सांसदहरू रक्सीको नशामा रहने गरेको र कतिपय बेलामा मर्यादा नाघ्ने गरेको पनि बताइएको छ ।
अस्ट्रेलियाको संसद् र संघीय नेताहरूको कार्यालयमा काम गर्ने एकतिहाइले यौन उत्पीडनको सामना गरेको तर तीमध्ये ११ प्रतिशतले मात्र उजुरी दर्ता गराएको प्रतिवेदनमा लेखिएको छ ।
१.
२.
३.
हिपमत डटकम