प्रमुख पतिपक्षी दल नेपाली कांग्रेसका सांसदहरूले प्रतिनिधि सभामा नाराबाजी गरेका छन् । पुनःस्थापित प्रतिनिधि सभाको पहिलो बैठकमा कांग्रेस सांसदहरुले नाराबाजी गरेका हुन् ।
संवैधानिक परिषदसम्बन्धी अध्यादेश प्रतिनिधि सभामा पेश हुन नसक्ने भन्दै कांग्रेसले नाराबाजी गरेको हो । कांग्रेसका तर्फबाट बोल्दै मुख्य सचेतक बालकृष्ण खाण र सचेतक पुष्पा भुसालले अध्यादेशको विरोध गरेका थिए ।
यसअघि नेकपा दहाल–नेपाल समूह बैठक बहिष्कार गरेर बाहिरिएका थिए ।