बुधवार प्रधानमन्त्रीविरुद्ध अविश्वासको प्रस्ताव कांग्रेस र दाहाल–नेपाल समूहले मिलेर दर्ता गर्नु पर्ने नेपाली कांग्रेसका महामन्त्री डा शशाङ्क कोइरालाले बताएका छन् । उनले पत्रकारहरुसंग कुरा गर्दै नेपाली कांग्रेसले दाहाल–नेपाल समूहसँग मिलेर अघि बढ्नु पर्ने धारणा राखेका हुन् ।

प्रतिनिधिसभा सदस्य समेत रहनु भएका महामन्त्री डा. कोइरालाले यदि नेकपा आफैमा विभाजन हुन्छ भने नेपाली कांग्रेस सरकारमा जानको अर्थ नहुने बताएका छन् । उनले “नेकपालाई टुटाउने हो भने कांग्रेस सरकारमा जानुपर्छ । यदि नेकपा आफै फुटिहाल्छ भने सरकारमा गएर पनि केही उपलब्धि हुँदैन ।” भन्दै सबभन्दा पहिले प्रधानमन्त्रीलाई हटाउन अविश्वासको प्रस्ताव दर्ता हुने जानकारी दिए ।