नेकपा ओली समूहले शनिबार तामझामका साथ बुटवलमा आमसभा गर्न लागेको छ । कार्यक्रमलाई सफल बनाउन भन्दै लुम्बिनी प्रदेशका १२ वटै जिल्लाका नेता कार्यकर्ताले कुनै कसर बाँकी राखेका छैनन् भने आमसभा खर्चिलो बन्ने देखिएको एक नेताले बताए ।
उसो त काठमाडौंमा भएको प्रचण्ड नेपाल पक्षको विरोधसभालाई चुनौती दिँदै लुम्बिनी प्रदेशका मुख्यमन्त्री शंकर पोखरेलले आमसभा कस्तो हुन्छ भनेर हेर्न बुटवलमा आउन भनेका थिए ।
प्रधानमन्त्री तथा ओली समूहका अध्यक्ष केपी शर्मा ओलीले सम्बोधन गर्ने कार्यक्रमका लागि निकै खर्च गरेर प्रचार प्रसार गरिएको छ भने कार्यकर्ता तथा सर्वसाधारणलाई जिल्लाजिल्लाबाट बुटवल ल्याइएको छ ।
यस्तै सरकारी गाडीको दुरुपयोग भएको छ भने प्रचारप्रसारका लागि रुपन्देही नवलपरासी र कपिलवस्तु सम्मको रेडियो तथा टेलिभिजन प्रयोग गर्नुका साथै प्रत्यक्ष प्रसारण समेत गर्न लागिएको छ ।
१.
२.
३.
हिपमत डटकम