सोलुखुम्बुको माहाकुलुङ गाउँपालिका-३ बक्सर बस्ने २१ बर्षीय निमा लमु शेर्पाको चट्याङले लागेर मृत्यु भएको छ । शुक्रवार दिउँसो साँढे ४ बजेको समयमा आफ्नै बारीमा मकै गोडी रहेको अवस्थामा अचानक चट्याङले लाग्दा शेर्पाको घटनास्थलमै मृत्यु भएको जिल्ला प्रहरी कार्यालय सोलुखुम्बुले जनाएको छ ।
घटनास्थलमा ईलाका प्रहरी कार्यालय सोताङबाट प्रहरी टोली खटि गई कानूनी प्रकृया पुरा गरी शव परिक्षणको लागी प्राथामिक स्वास्थ्य केन्द्र सोताङ पठाईएको उक्त कार्यालयले जनाएको छ ।