काठमाडौं — सोमबार अपराह्न शीतल निवासमा राष्ट्रपति रामचन्द्र पौडेलसमक्ष नव नियुक्त चार मन्त्रीहरूले पद तथा गोपनीयताको शपथ ग्रहण गरेका छन्।

शिक्षा, विज्ञान तथा प्रविधि मन्त्रालयको जिम्मेवारी महावीर पुनलाई दिइएको छ भने, पूर्वन्यायाधीश अनिलकुमार सिन्हाले उद्योग, वाणिज्य तथा आपूर्ति र भूमिसुधार मन्त्रालय सम्हाल्ने भएका छन्। कृषिमन्त्रीको रूपमा डा. मदन परियार र सञ्चार, सूचना तथा प्रविधि मन्त्रीको रूपमा जगदीश खरेलले शपथ लिएका छन्।

शपथग्रहण कार्यक्रममा प्रधानमन्त्री सुशीला कार्की, सभामुख, राष्ट्रियसभाका अध्यक्ष नारायण दाहाल, प्रधानन्यायाधीश प्रकाशमान सिंह राउत र उपराष्ट्रपति रामसहाय प्रसाद यादव लगायत उच्चपदस्थ व्यक्तिहरूको उपस्थिति रहेको थियो।

राष्ट्रपति पौडेलले अन्तरिम सरकारका प्रधानमन्त्री कार्कीको सिफारिसमा यी चार मन्त्रीहरूको नियुक्ति आइतबार गरेका थिए।