चितवन  –  जिल्ला प्रशासन कार्यालय चितवनले ४५ वटा शैक्षिक परामर्श तथा भाषा प्रशिक्षण केन्द्र (कन्सल्टेन्सी) बन्द गराउन जिल्ला प्रहरी कार्यालयलाई पत्राचार गरेको छ।

प्रशासनका अनुसार तोकिएको समयभित्र आवश्यक कागजात नपेस गर्ने र पटक–पटक सूचना प्रकाशन गर्दा समेत अटेर गर्ने कन्सल्टेन्सीहरूलाई बन्दसहित आवश्यक कानुनी कारबाहीको लागि प्रहरीलाई निर्देशन दिइएको हो।

प्रशासनले आज सार्वजनिक सूचना जारी गर्दै उक्त जानकारी दिएको छ।