विराटनगर — सुशील कोइराला फाउन्डेसनको आयोजनामा विराटनगर–४ स्थित होटल मनास्लुमा भव्य तीज मिलन तथा दर कार्यक्रम सम्पन्न गरिएको छ। शुक्रबार आयोजित कार्यक्रममा १ हजारभन्दा बढी महिलाहरूको उत्साहजनक सहभागिता रह्यो।
“संस्कृति जोगाऔँ, आत्मीयता बढाऔँ” भन्ने नाराका साथ आयोजना गरिएको उक्त कार्यक्रमकी प्रमुख अतिथि डा. मिनाक्षी नेपाल थिइन्। नेपाली कांग्रेसका केन्द्रीय सदस्य अमृत अर्याल, भिम पराजुली, रुक्मणी कोइरालालगायत विशिष्ट व्यक्तिहरूको आतिथ्यमा कार्यक्रम सम्पन्न भयो।
कार्यक्रममा सहभागी महिलाहरूले तीजका पारम्परिक गीतमा नाचगान गर्दै पर्वको उल्लास साटे। गायक रमा मण्डल, सुमित खड्का, मञ्जु थापा र अञ्जु गौतमलगायत राष्ट्रिय तथा स्थानीय कलाकारहरूले सांगीतिक प्रस्तुति दिएर दर्शकलाई मनोरञ्जन प्रदान गरे।
फाउन्डेसनकी सभापति मृदुला कोइरालाका अनुसार कार्यक्रममा नेपाल बाल आश्रमकी संस्थापक समाजसेवी सीता पोखरेल र सगरमाथा आरोहण गर्ने डोल्पो जातिकी कान्छी महिला डोल्मा डोल्पोलाई विशेष सम्मान प्रदान गरिएको थियो।
फाउन्डेसनले स्वर्गीय सुशील कोइरालाको सम्झनामा प्रत्येक वर्ष तीजको अवसरमा यस प्रकारको सांस्कृतिक कार्यक्रम आयोजना गर्दै आएको छ।
१.
२.
३.
हिपमत डटकम