पथरी शनिश्चरे । पथरी शनिश्चरे नगरपालिकाले नगर क्षेत्रमा रहेका कृषि, सहकारी संस्थाहरुसँग राय सुझाव संकलन गरेको छ ।

आज नगर प्रमुख मोहन प्रसाद तुम्वापोको अध्यक्षतामा नगरपालिकाको सभाहलमा आगामी बजेट योजनाको लागि कृषि र सहकारीकर्मीहरुसँग राय सुझाव संकलन कार्यक्रम गरिएको हो ।

नगर क्षेत्र भित्र कृषि र सहकारीमा भएका समस्याहरु र राय सुझाव दिएका थिए । सो राय सुझाव संकलन पश्चात् नगरबाट कृषि र सहकारीमा भइरहेका कार्यहरुको आगामी योजनाका विषयमा प्रमुख प्रशासकीय अधिकृत शशि राईले विस्तृत रुपमा जानकारी गराउनुभयो ।

सो कार्यक्रममा कृषि शाखा प्रमुख सविना राई, सहकारी शाखा प्रमुख केशवदेवी धमला र पशु प्राविधिक लक्ष्मी घिमिरेको उपस्थिति रहेको थियो ।