एजेन्सी। श्रीलंकामा हुने तय भएको एसीसी एसिया कप क्रिकेट २०२२ प्रतियोगिता संयुक्त अरब इमिरेट्स यूएईमा आयोजना हुने भएको छ ।

एसियन क्रिकेट काउन्सिल एसीसी श्रीलंकामा आर्थिक संकट र नागरिकको आन्दोलनको कारण एसियन कप यूएईमा स्थानान्तरण गरेको हो ।

टी ट्वान्टी फर्म्याटमा आयोजना हुने एसिया कप निर्धारित समय अगस्ट २७ देखि सेप्टेम्बर ११ सम्ममै हुने एसीसीले जनाएको छ ।

एसिया कपमा साबिक विजेता भारत, पाकिस्तान, श्रीलंका, बंगलादेश, अफगानिस्तानले सहभागी जनाउने छन । यस्तै, छनोट प्रतियोगिताबाट एक राष्ट्र गरि छ टिम सहभागी हुनेछन् ।