हिपमत डटकम
काठमाडौं। कञ्चनपुर कि किशोरी निर्मला पन्तको बलात्कारपछि हत्या भएको आज चार वर्ष पुगेको छ ।
हत्याको चार बर्ष पुगेपनि अहिलेसम्म घटनामा सग्लनको पहिचान हुन सकेको छैन ।
कञ्चनपुरको भिमदत्त नगरपालिका–२ का यज्ञराज पन्त र दुर्गादेवी पन्तकी १३ वर्षीया छोरी निर्मलाको २०७५ साल साउन १० गते बलात्कारपछि हत्या भएको थियो ।
हत्यापछि प्रहरीले एक वर्ष लगाएर अनुसन्धान गरेपनि अहिलेसम्म कुनै परिणाम हात पार्न सकेको छैन ।
हत्याको छानविनका लागि आधादर्जन समिति बनेपनि त्यसले समेत परिणाम भने देखिएको छैन ।
प्रहरीले ५ सय २९ जनासम्म बयान लिइसकेको छ । तर निर्मलालाई बलात्कार गर्ने को थियो भन्ने अझै रहस्यमा छ ।
निर्मलालाई न्याय माग्दै भएको आन्दोलनमा भीमदत्त नगरपालिका–१८ शालघारीका शनि खुनाको मृत्यु समेत भएको थियो ।
घटनाको अनुसन्धानका लागि गृह मन्त्रालय, राष्ट्रिय मानव अधिकार आयोग, मानव अधिकार संगठन र प्रहरी प्रधान कार्यालयका तत्कालीन डीआइजी धिरु बस्न्यातको नेतृत्वमा पनि छुट्टाछुट्टै प्रतिवेदन तयार भएपनि ति कार्यान्वयनमा आउन सकेका छैनन् ।
प्रहरीले चार बर्षसम्म आधादर्जन टोली कञ्चनपुर पठाएपनि तिनले पनि अपराधी पहिचान गर्न सकेका छैनन् । अनुसन्धान प्रक्रिया लम्बिदा पीडित परिवारले न्याय पाउने आश समेत मारेको छ ।
१.
२.
३.
