विराटनगर । राष्ट्रिय प्रजातन्त्र पार्टी (राप्रपा) बाट बिराटनगर महानगरपालिकाको मेयर पदमा पार्टीका केन्दिय महामन्त्री प्रल्हादप्रसाद साहले उम्मेदवारी दिने भएका छन्। साह बिराटनगरका पुर्व मेयर समेत हुन्। ‘फाइनल नाम वहाँ कै हो । कार्यकर्ताको दवाव र इच्छा अनुसार साहलाई नै मेयरको उम्मेदवार बनाउँदै छौ ।’ प्रवक्तामोहन श्रेष्ठले बताए।

नेपाली काङ्ग्रेस पार्टी परित्याग गरेरराष्ट्रिय प्रजातन्त्र पार्टी प्रवेश गरेका दिलीप धाडेवा यस अघि मेयर पदको उम्मेदवार हुने ब्यापक चर्चा थियो बिराटनगरमा तर अन्तिम समयमा केन्दिय समितिले साहको नाममा मोहर लगाएको छ। पार्टीले साहको नाममा मोहर लगाए पनि जनताले साहलाई कत्तिको न्याय गर्छ त्यो हेर्न बाँकी नै छ।

साह यस अघि पनि बिराटनगर महानगर पालिकाको मेयर पदमा पराजय भोगेका थिए। यस पटक आफुहरुले स्थानिय निर्वाचनको लागि ब्यापक तयारि गरेको र जनताको डिमाण्ड नै राष्ट्रिय प्रजातन्त्र पार्टी भएकोले नतिजा पहिले भन्दा फरक आउने मेयरका उम्मेदवार प्रल्हादप्रसाद साहले हिपमत डटकमलाई बताएका छन्।

,