नेपाल र भारतका प्रधानमन्त्रीले नेतृत्व गरेका दुई प्रतिनिधि मण्डलबीच अहिले नयाँदिल्लीमा वार्ता भइरहेको छ।

भारतको तीन दिने औपचारिक भ्रमणमा रहेका प्रधानमन्त्री शेरबहादुर देउवा र भारतीय समकक्षी नरेन्द्र मोदीसहित दुई देशका उच्च अधिकारी संलग्न वार्ता हैदरावाद हाउसमा जारी रहेको भारतीय विदेश मन्त्रालयले जनाएको छ।

दुई पक्षीय वार्ताअघि प्रधानमन्त्री देउवा र मोदीबीच एक्लाएक्लै भेटवार्ता भएको थियो।

दुई पक्षीय वार्ताका क्रममा नेपाल-भारत सम्बन्धका विभिन्न आयाम र सहकार्यबारे छलफल हुनेछ।