युक्रेनको दोस्रो ठूलो शहर खारकिएभमा रुसले ठूलो हमला गरेको छ । यो हमला फ्रिडम स्क्वायरस्थित सरकारी कार्यालयलाई निशाना बनाउँदै गरिएको थियो ।

युक्रेनको सोसल मिडियामा भाइरल भिडियोमा एउटा मिसाइल सरकारी भवनसँग ठोक्किएको देख्न सकिन्छ । यसका कारण जोडदार बिस्फोट भयो । यसले भवनमा ठूलो क्षती पुर्यायो र गाडीसमेत उडे ।

हमलापछिको भिडियोमा सिटी स्क्वायर नजिकै जलेका गाडी र भग्नावशेष देख्न सकिन्छ । यो हमला स्थानीय समयानुसार बिहान ८ बजे भयो ।