भारतको उत्तर प्रदेशमा समेत कोरोना भाइरसको नयाँ भेरियन्ट ओमिक्रोन पुष्टि भएको छ । उत्तर प्रदेशको गाजियाबादमा हिजो (शुक्रबार) दुई जनामा ओमिक्रोन संक्रमण पुष्टि भएको हो । भारतमा ओमिक्रोनबाट संक्रमित हुनेको संख्या १ सय १३ पुगेको छ । डेल्टाको तुलनामा ओमिक्रोन भाइरस कयौं गुणा बढी फैलिरहेको विज्ञहरुले चेतावनी दिएका छन् ।

गाजियाबादमा एक दम्पतिलाई कोरोनाको नयाँ भेरियन्ट देखिएको हो । भारतमा डिसेम्बर २ मा पहिलो पटक कोरोनाको नयाँ भेरियन्ट देखिएको थियो । विगत १५ दिनमा भारतमा ओमिक्रोनको संक्रमण तिब्र गतिमा फैलिएको छ ।

राजधानी दिल्लीमा मात्र २२ जनामा ओमिक्रोन संक्रमण देखिएको छ ।